فن تعامل الرجال مع النساء

[المحامية علا خدام الجامع]

فن التعامل الرجال مع النسوان

لاتعطيها ريق حلو بتطمع

ولا تخليها لأمها تسمع

كلما طمزت حالها كبها لحالها بترجع

كن رجال والرجال إذا ضرب أوجع

كلمة حلوة إصحك تخليها منك تسمع

ولاتعلمها تسألك وين رايح وإيمتى بدك ترجع

متل التماسيح فيها العين بتدمع

وإن بلشت نق عميل حالك ماعم تسمع

الدلال للست بيضر مابينفع

حتى لو كنت غلطان عليها بالعالي اطلع

والعصا خلقت من الجنة توكل على الله وتشجع

المرأة اذا ماكان الكف عالخد عم يرقع

حتى بمشيتها بتصير تتشخلع

مو غرور منك لاسمح الله لكنك قوام عليها وغيرهيك معها مابينفع


ولأنو لوجاز السجود لغير الله كان المرأة لجوزها لازم تركع

وكاس الضرة كاس مره خليها اليوم قبل بكرى تتجرع

لانو مابيذل النسوان متل النسوان هيك بتوقع

طيعني طقها جازي و بحياتك تمتع

قبل ما الراس يشيب أو تصير أصلع


الحياة ياصاحبي مو شو انت قلت شو من الناس لازم تسمع

وان ما عجبها هيك مافي اهون من انك تخلع

ردها لديرة اهلها والمتأخر الها ادفع

خليها من دسايس امها تشبع

يلا روح حاجتك لانو مرتي قربت ترجع

ولازم اجلي الجليات واطبخ الطبخة قبل ما بوشي تزقع

يالله بشوف وشك بخير هلأ مرتي بكلمه بتضبع

وانا بخاف تخليني اركع

وبوس ايدها وما ترضى ولا تقنع

وكلمه مني ما تطلع

مو خوف ولا ضعف بس أخلاقياتي بتمنع