عويل وصريخ على كوة دفع ايصالات الرسوم القضائية

[المحامي سميح الزعيم]

إذا أردت تذكر الماضي والوقوف بطوابير للحصول على الخبز والبندورة ما عليك سوى تسجيل دعوى واخذ إيصال الرسوم والتوجه إلى الدور الأرضي كوة دفع الرسوم وهنا تبدأ المعركة الناس تجمعت فوق بعضها واختلط الرجال بالنساء الصريخ تعالى وكأنه حمام مقطوع المياه وقفنا عاجزين عن دفع الإيصال وبانتظار الذي لا يأتيك يتساءل البعض ما لذي يحدث وهل يتعلق الموضوع بأزمة الوقود يأتيك الجواب لا ولكن الموظف الذي كان هنا قد تغير يتعالى الصياح وتسمع صوت الموظف من الداخل أنا لا أريد هذا العمل اذهبوا واشتكوني للمحامي العام الموظف غير محقوق والسؤال المطروح هل وزارة العدل لديها خطة مستقبلية تتناسب مع ازدياد عدد المحاكم والدعاوى ؟

تصديقا لكلام الاستاذ سميح .. ومن يومين كنت عم ادفع ايصال لأحدى الدعاوى ومن كتر الصراخ والعويل ومن كتر العياط على الموظف الجديد اللي لسى ما أخد على الجو ، ومعلومك الكوة قريبة من المحاكم الشرعية فكروني المراجعين عم اصرخ لأنو مرتي خلصتني حضانة الولد وقالو طول بالك كلها 11_ 12 سنة وبيرجع ؟؟ طبعا الموضوع هون بتصرف وللمزح فقط

[المحامي ناهل المصري]

حلوة كتير أستاذ :P

بس ياريت تعرفنا بحالك حتى نناديلك باسمك. :wink:

وحتى كمان ما نخاف منك ونفكرك مخابرات

بكل سرور استاذ لح عرفكم بحالي ... أنا محام غيور على المهنة وبحبها حتى النخاع وملتزم بآدابها وسلوكها . وكل شي غير هيك بيضل قشور ... وشكرا للكل

[المحامي عبد الله تلاج]

بس يا أستاذ ما عرفتنا مين أنت

[أسعد المدرس]

أستاذ سميح بجوز الدولة رح تعفيكم من الرسوم انت ليش زعلان ....الون معك وما بدهم ياخدوه ...طيب خلاص لا تعطيهم ياه ...عم امزح....على كل حال أتمنى تطبيق نظام النافذة الواحدة في هكذا انواع من التعاملات ...اما عن الأستاذ غيور ...فأنا واثق ان الاسم ليس بعورة ...وليس من المعقول ان نناديك باسم"أستاذ غيور" ...كل واحد من بيننا لديه اسم يعتز به ...وحامل الاسم هو الذي يرفع الاسم وليس الاسم بذاته ...لا تزعل مني أستاذ "غيور" بس الواجب واجب ...وانت حر بالأخير ...ومتل مالك شايف نحن كلنا داخلين باسمائنا الشخصية الا اذا كنت حابب تكون مختلف ...
مع تحيات :
أسعد المدرس
واذا بدك اللقب انا بحب هذا اللقب M.R Law