طلاق غيابي

انا سوري عامل عقد زواج اداري مع فتاة بس مو سورية وعملنا العقد بسورية بس ماكفينا اجراءات تسجيل العقد ببلدها لان صارت بيننا مشاكل وهي حملت حالها وماعادت تحكي معي حتى انا مااتصلت فيها وصرلي مبعرف اخبارها لمدة تزيد عن ااسنة وانا هلا مسافر تعرفت عبنت وبدي اخطبها ونازل عسورية هالكم يوم بدي اعمل طلاق غيابي
عم اسال كيف يتم وبهالطلاق رح ادفع المهر المعجل والمقدم علما اني لااعرف اي شي عن خطيبتي ااسابقة ولا عنوانها لانها هي ببلدها
وفي هذا الطلاق عندما يتم غيابيا هل ستعلم هي بذلك ام لا

مافي جواب ؟؟

[المحامي يحيى بزرتو]

الاخ السائل :
لا يمكن ان يتم الطلاق الغيابي الا بتبليغ الزوجة على عنوان اقامت فيه او مازالت مقيمة فيه وبعد التبليغ بشهر تستطيع ان توقع الطلاق على زوجتك سواء احضرت الى المحكمة التي اقمت دعواك عليها ام لم تحضر .
اما بالنسبة لدفع المهرين فبامكانك ان تودعه في صندوق المحكمة لصالح هذه الدعوى وبامكانك ان تنتظر لتتقدم الزوجة بدعوى تطالب بموجبها بالمهرين ويصدر قرارا بذلك ويتم تبليغك بدفعه .

انا الان لا اعرف مكان اقامتها
وهي اصلا مو سورية فكيف يتم تبليغها وهي خارج الوطن

[المحامي عبدالرحمن عبدالله]

تبلغ على آخر مكان كانت مقيمة في سوريا او حسب ما هو مذكور في صك الزواج او مضبطة المختار