مشكلة التسجيل بالنقابة

[أحمد قنايه]

السلام عليكم ..
الله يحمي هالبلد واهله والله يعين كل مصاب على مصيبته ويفرج عنه
اساتذتي عندي مشكله حابب اعرضا عليكم عسى ينوجد حل ولكم الشكر ومشكلتي باختصار عم تدور بين اهمال او عدم تحرز او .. فرع حلب وعدم تساهل النقابه المركزيه ..
انا احمد قنايه تخرجت من كليه الحقوق عام 2012 وتقدمت بطلب انتساب مع الاوراق المطلوبه لفرع النقابه بحلب خلال الشهر الرابع من العام 2012
وخضعت للفحوصات الطبيه واستكملت الاوراق المطلوبه وتمت المراسله بين المحافظات ودفعت الرسوم ..
و وافق مجلس الفرع على طلب انتسابي بقراره /1261/ بتاريخ 2012/7/22







وبعد باسبوع او اكتر بلشت الاحداث بحلب / الله يفرجا/ . طبعا راجعت الفرع اكتر من مره للسؤال عن وقت حلفان اليمين فكان الجواب على الداوم ...
//انقطع البريد المضمون بين حلب ودمشق واستحال الحصول على الاضابير المحفوظه بالقصر العدلي // ملاحظه : اضابير الانتساب كانت تحفظ بغرفه في القصر العدلي من بعد مايستلما موظف الانتساب
فبعد انتظار طويل وامل بانفراج الاوضاع بحلب طلبت من فرع النقابه بحلب انه اذا ممكن تعطوني صوره عن قرار قبول انتسابي لحتى اخده باليد للسيد وزير العدل .. فاودعته في ديوان الوزاره بتاريخ 2012/10/14
ومن بعد مرور شهر على ايداع القرار في ديوان الوزاره لم يقع طعن الوزير فاخدت ورقه بتفيد ان طعن الوزير لم يقع بكتاب تاريخه 2012/11/28






وراجعت فرع النقابه بحلب فكان الجواب الوحيد دوما ان الاضباره في القصر العدلي و مستحيل الحصول عليها بهالظروف لحتى نرسلا او نرسل صورة عنها للنقابه المركزيه
فكمان طلبت من فرع النقابه بحلب يعطيني كتاب موجه للسسيد النقيب المركزي بيشرح وضع الاضباره بحلب وبطلب فيه من النقابه المركزيه انه تبدي رأيا ... فعطوني كتاب بتاريخ 2012/12/120 برقم 2716/ص2 واخدته على النقابه المركزيه بدمشق






فكان فرد النقابه المركزيه ان حفظ الاضابير مسؤوليه فرع حلب ونحن مامندخل بهالشي ومافيني نبدي راي لانه مخالف للقانون اصولا !!!
وذلك بكتاب 1525/ص.ن بتاريخ 2012/12/16







فكمان راجعت فرع حلب وكالعاده الجواب الجامد والوحيد ... الاضباره بالقصر العدلي !!!! ..

فبالنهايه عندي سؤالين ..
الاول ... انا كشخص قدمت طلب الانتساب و معه الاوراق المطلوبه ومستكمل الشروط ودافع الرسوم ومسلم كل الاوراق للموظف المسؤول ..
شو مدى مسؤوليتي عن مكان حفظ فرع النقابه للاوراق ؟!!..
وبعدا بما ان مجلس الفرع اخد قرار بقبول انتسابي فهادا بيعني انه قد اطلع على الاوراق وتحقق من استكمال الشروط .. فليش مافي تساهل من النقابه المركزيه بدمشق ..؟
وتانيا ... اذا فرضنا والامل بالله ان الاوضاع انفرجت بحلب بين ليله وضحاها ... وصار فينا نروح على القصر العدلي بحلب ..
ورحنا وشفنا الاوراق مسروقه او محروقه او.. او .. فيا ترى شو رح يكون التصرف ساعتها .. وهالمشكله رغم ان البعض قد يستصغرا ئدام مشاكل البلد لكن تبقى مشكله عم يعاني منها انا وعدد من الزملاء يلي وضعن متلي وفي زملاء واقف نقل اسمن من جدول المتمرنين لاساتذه على وجود اضبارتون في القصر العدلي
بشكركم وعسى ينوجد حل ..

ملاحظه : كان ينعرض علي انه اسحب اوراقي من فرع حلب وانتسب لاي فرع تاني بالمحافظات . لكن هالشي عسير .. لانه رح رد افتل و دور دوخه الاورق المطلوبه .. ولانه اكتر المراكز الامنيه او الماراكز يلي مطلوب منا اواراق رسميه ما عم تقوم بعملا . متل شعبه التجنيد و الامن الجنائي .. و .. .. وبالاضافه للتأخر الزمني .. من مراسلات وطعن الوزير .. و .. و
تحياتي