ابليس حردان ورايح طفشان منك يا انسان؟؟؟؟نكته للذكرى

[المحامي نادر الخليل]

[FONT="Mudir MT"][SIZE="6"][COLOR="Red"]
ابليــــس يصـــف الوضـــع والحالـــة في البلاد
كان إبليس في غرفته , يلملم ملابسه في حقيبة
إلى جانب باقي متعلّقاته ...
على المنضدة القريبة كانت استقالته موقّعة ومختومة حسب الأصول , وبجوارها تقبع تيكيت إلى جزر القمر
كانت ملامح وجهه في تلك اللحظات
تنطق بالحزن, والكآبة , والإحباط , واليأس , وقلّة الحيلة ...
مع دهشة مزمنة ارتسمت عليه منذ فترة ليست بالقريبة,
واعترافٍ بالعجز والفشل إبليس راحلٌ عن بلادنا إلى غير رجعة...
فليفرح المؤمنون .... وين يامسهّل؟ ليش عم بتضبّ غراضك
يازلمة ماضلّلي قعدة عندكم, إلي سنين عاطل عن العمل
وقرّبت موت من الجوع .. ما بلاقي معك سيجارة يا أخي ؟
ما رح أترك فيكم لاوسواس ولا خنّاس!
كنت زمان أوسوس للواحدة تترك ابنها يبكي وهي عم تحكي مع جاراتها,
هلأ صاروا لحالهم.. يرموا اولادهم بالحاوية أوّل ما يجوا
كنت أوسوس للواحد ينسى يسمّي الله قبل ما ياكل,
هلأ بطّل حدا يلاقي شي ياكلو! يا زلمة..
إذا أنا إبليس... تسمّمت بالشاورما
كنت كمان بوسوس للشب يرميلو كلمة عالبنت وهي ماشية بالشارع,
صاروا البنات يرمو عالشباب كلام أنا نفسي بستحي أحكيه
واحد بيسرق 100 مليون عينك عينك بيحبسوه 3 سنين بفيلاّ عالشط ,
وإثنين عم بينبشوا بمكبّ الزبالة بتقوصهن الشرطة ,
إنتو بدّكم إبليس إنتوا ؟؟؟؟
صار عندكم فائض بالفساد بكفّي 30 سنة لقدّام,
صرت خاف على حالي منكم يا زلمة
صرت اتجبر مرّات وسوس بالمقلوب وقول للمسؤول إرحم
وللحرامي بيكفّي.. خلّي شويّللحراميّة اللي رح ييجوا بعدك..
يعني إذا إنتو لحالكن ما شاء الله بتعملوا كل هالبلاوي,
أنا إبليس شو أعمل ؟
أشتغل شوفير تكسي يعني
ولاّ أفتح صالون حلاقة ؟
ماضلّ غير قدّم للأوقاف يعيّنوني إمام جامع!!!
مع تحياتي اخوكم المحامي نادر الخليل

[المهندس ماهر هلال]

ذكرتني أخي نادر بطرفة عن إبليس ..
في واحد بحب الفلافل كتير بينسى أنو يسمي بالله قبل ما ياكل
و الشغلة طولت كتير حتى ألو إبليس :
يخرب بيتك .. اندبحت من الفلافل
سمي بالله و خلصني !
... عا الماشي ... لو ما ضحكتوا ...

[المحامية سوسن البيطار]

محشش قال للشيطان شو رأيك نلعب لعبة اضربك كف وتضربني كف؟

الشيطان وافق,المحشش قلو انا بالاول, لطش الشيطان كف قووووي
...
اجا دور الشيطان , المحشش قال: اعوذ بالله من الشيطان,هرب الشيطان

... ... ... ... ... ... ... ...

اجا دور المحشش لطش الشيطان كف عماه للشيطان عمي ..

اجا دور الشيطان مرة تانية فقال المحشش أعوذ بالله من ابليس ف هرب

المرة الثالثة المحشش لطش الشيطان كف صرعو فيه, اجا دور الشيطان

اجا لمحشش تعوذ من ابليس و تفاجأ

ماهرب,سألو ليش ماهربت ؟؟؟؟؟

قلو : اسلمت .......والله لاعميك عمي يا كلب...

[المهندس ماهر هلال]

ثم

[المحامية سوسن البيطار]

أضحك الله سنك

[المهندس ماهر هلال]

الحمد لله سني ضاحك في معظم حالاتي..
شو فيها ها الدنيا ...
خلينا نضحك و نضحك ...
من دون شي العمر قصير و أقصر مما نتصور

[المحامية سوسن البيطار]

شو عرفك أنو عمرك قصير ، قول ماحدا آخد معه شي ...بس ممكن تعيش 100أو200ما حدا بيعرف ؟؟؟؟!!!

[المهندس ماهر هلال]

اقتباس: المشاركة الأصلية كتبت بواسطة المحامية سوسن البيطار     شو عرفك أنو عمرك قصير ، قول ماحدا آخد معه شي ...بس ممكن تعيش 100أو200ما حدا بيعرف ؟؟؟؟!!!

طبعا أختي سوسن ... لا أحد منا يعرف كم سيعيش ...
ربما لثانية فقط أو دقيقة أو دقائق أو ساعة أو ساعات أو يوم أو أيام
....... لهذا قلت بأن العمر أقصر مما نتخيل ...
فكل إنسان يتمنى أن يعيش عمرا أطول و لن يتمنى أن يعيش لدقيقة فقط
مرد ذلك حب الإنسان في البقاء ...
فلو توقعت أنا بأن عمري لن يتجاوز الخامسة و الستين ( مثلا )
فهل أنا ضامن ذلك ؟؟؟

[المحامي نادر الخليل]

اخي ماهر:
كانك عم تخربط , لاني ما استوعبت شي من اخر جملتين . والله يمكن انا اللي عم خربط مو