خاروف

[المحامي نادر الخليل]

[CENTER][SIZE="6"]

شامي اخد خاروف لعند اللحام وقلو اخي

بدي تساويلي نص اللحم شقف
والنص التاني ساويلي اياه كباب
اما الراس اسلخه ونضفو بدي اعمل ساويه نيفا
والرجليين نضفها بنساويها مقادم
والجلد لا تاخذه بدي ساويه سجادة صلاة
والكرش والمصاريين بساويها سجقات وحفاتي
والبعر منحطو سماد للزريعه
وشو بيطلع معك شخت خليهن للقطه عنا بالبيت
والله العضام اهم شي الحجه بتساوي عليهن طباخ روحو
اتطلع فيه الخاروف وقلو :

ما بدك تسجل صوتي تحطو رنه لجوالك[/[/

CENTER]SIZE]

مع كل المحبة الى اخواني اهل الشام الذين انا منهم والذين احبهم واحترمهم وتقبلوا كل الود

[كنده دحروج]

يعني ضروري يكون شامي كان فيك استاذ تعمم وماتحط الشوام بالمقلاية عكل الله يسامحك معروف عنا الكرم والتسامح مشان هيك الله يسامحك

[المحامي نادر الخليل]

والله حقك علي بس عم هز الورد مشان شم ريحتو وعلى كل حال انا اسف اذا فعلا زعلتك وسامحيني وصار بيطلعلك عندي خاروف وبدون رنة جوال كمان

[كنده دحروج]

تسلم استاذ بس كنت عم امزح بس الخاروف لي بيطلعلي عندك بيماعي بالشامي ولا بغير لهجة لانو صار عندي حساسية من الموضوع هههههههههه

[المحامي نادر الخليل]

ما عاد استجري جاوب على السؤال بس رح قول بيمعي وبس

[كنده دحروج]

منيح هلأ تاكدت انو صار خاروف طبيعي