الفحص الطبي قبل الإنتساب للنقابة مالسر وراءه

[رولا ح]

عندما قررنا الإنتساب إلى نقابة المحامين ، أحالتنا النقابة إلى مجموعة من الأطباء من مختلف الإختصاصات ،

استهجنت الموضوع حينها ، كون غالبيتنا قد تخرج من كلية الحقوق ثم انتسب فورا إلى النقابة ، يعني شب أو صبية

بالعشرينات طيب خليها بالثلاثينات شو رح يكون معو أمراض ترقق بالعظام مثلاً ولا ضغط ولا قلب ، طبعاً مع احترامي

لأساتذتنا الكبار يللي مزينين هالنقابة بوجودهم ، قلت لحالي يلا روتين ، سجلنا بهالنقابة وحلفنا اليمين ونزلنا على

هالقصر ، وكانت باطلة ومحولة هالنزلة ، شي بحط 8 تباليغ بالديوان برجع بلاقي 7 ميتين والثامن نزح إلى جهة

مجهولة ، شي بروح عتنفيذ الريف بدي أكتب إفادة بالإضبارة ما بلاقي الموظف بسأل عنه بيقولولي عم يصلّي

بعدين برجع مرة ثانية .... نفس الجواب ......بعدين بعد ما اجتمع فيه بيطلع من أخوتنا المسيحيين ، وكله كوم ووقت

بتلاقي الموظف قاعد عمكتبه بالصدفة بتكون الإضبارة ضايعة ، هذا لسه ماخبرتكم أنو بمحاكم الريف بيحطو قاضي

واحد لمحكمتين مثل عين الفيجة وقدسيا مثلاً ، بس ما سألتوني شو يللي طفف الكاسة وخلا الدخان يطلع من

أذنيي والضغط ينزل والوش يصفر ، هادا يا أساتذتي الكرام محسوبتكن أستذت ، ومن شهر قصدتها زميلتها

الأستاذة بخدمة قائلةً :

حبابة عندي بكره جلسة بالقصر وما بحسن أحضرها خدي هي انابة احضريها عني ، لأنو هي الدعوى بتهمني كثير

صرلي 3 سنين عم أتعب فيها ، رجع شرح التبليغ تبع المدعى عليه أنو مجهول الإقامة قمت طلبت من القاضية أنو

نبلغه بالصحف قامت قررت هيك وبلغته وأخطرته بالصحف وتكلفت كثير والله ، وبعدين جبت شهود وقالو كلهم ما عدا

واحد أنو عمره كذا وهلأ القاضية بعد إكمال وتنسيب رافعتا تدقيق ، حبابة يمكن تنفصل بهي الجلسة ضروري كثير

تحضريها .

قلتلها تكرم عينك وفعلاَ نزلت تاني يوم وفتت عمحكمة البداية المدنية ، وإذ بالكاتبة بتحضرني وبتعطيني اضبارة الدعوى

وبتقللي تفضلي أستاذة انقلي القرار الإعدادي ، بتطلع القاضية بدها سند اقامة للمدعى عليه و قيد مدني يبين سنه

هنا ضغطي نزل وفهمت سر الفحص الطبي لجميع المنتسبين للنقابة

وإذا حدا عندو وجهة نظر أخرى ياريت ما يبخل علينا فيها

ودمتم للمنتدى

[زكريا خالد الحراكي]

اعتقد استاذه اننا نحتاج لفحص طبي دوري
بدلا من فحص المحامي ببدء تسجيله بالنقابه