بلا مقدمات

[المحامي سامر غسان عباس]

قاضي متخرج جديد , والدعوى بتهم الخصم أكتر منك وهو مدعي , ومحاميه بيبعت متمرن كمان متخرج جديد , لأ وفوق هاد بيسلّموا الدعوى منشان يتمرن فيــّا بكل انوا ع التمرين يعني بيعملها ( كيس ملاكمة ) !
بترد عالادعاء بمذكرة بيستمهل ( الزميل ) مرة مرتين .... بيقدم مذكرة بتروح أنت بتكرر أقوالك وما بترد .
سامعين .... أي بقى القاضي بيرفعها تدقيق جلسة اتنين تلاتة وبعدها بيصدر قرار بسماع الشاهد فلان الفلاني .
خليكون معي ... جلسة تنين التالتة بيجي الشاهد : ولأنو شهادتو ( بلا طعمة) ما بتستمهل بتقول فورا أنو الشهادة غير منتجة بالدعوى ..... بس يا حزرك مين بيستمهل ؟
أيوه : ( الزميل )
الجلسة البعدها بيقدم مذكرة قال شو : رد عأقوال الشاهد وطلب شاهد جديد . أنتِ ما بتستمهل وبتقول قدام القاضي لــ ( الزميل ) : يا اخي سمي شهودك وقدم دفوعك مرةوحدة شو ما سمعان بالـ144
بيروح القاضي : بيقلك طول بالك أستاذ ...! من حقوا يسمي خمس شهود و بيرفعها تدقيق جلسة تنين تلاتة وبعدين بيقرر سماع الشاهد علتان العلتاني .
ياحبيبييييييييييييي,
أي بيجي الشاهد وطبعا إذا ما استمهلت رح يستمهل( الزميل ) , أي طيب منستمهل ومنقدم مذكرة منبدي فيها احترامنا للمحكمة وتقديرنا لجهدها ومنشكر ( الزميل ) على سعيه لتمثيل موكلينوه وتحقيق العدالة ومنقول ما فحواه أنو فيه مادة رقمها 144 أصول مدنية يعني قدمو دفوعكون مرة وحدة وبلا ( إطالة أمد التقاضي ) ومنحكيلنا كم كلمة عأقوال الشاهد التاني .
الزميل بيستمهل مرتين عمذكرتنا ... أي !
بالجلسة البعد بعدها بيقدم مذكرة عن حق الدفاع المشروع والمكفول وعن لأصول المحاكمات و شي من هالحكي وبيطلب فيها دعوة الشاهد فلان الفلفلاني , طبعا أنت ما بتعرف بهالحكي لأنك بالجلسة بتكرر أقوالك بلا ما تقرا المذكرة باعتبار أنو ما في شي بينقال من أساسو .... !
القاضي متل العادة لازم يرفعها تدقيق جلستين وبجلسة اليوم يا حزركون شو بيقرر ......................؟
أكيد حزرتوا ..... برافو ..... بيقرر سماع الشاهد المذكور . وتوتة توتة بعد ما خلصت الحتوتة ولك ما خلصـــــــــــــــــــــــــــــــــــــــــــــــ ــــــــــــــــــــــــــــــــــــت وشكلها مفتوتة ...
أي اللـــــــه وكيلكون هيك صار مبارح والحبل عالمدري شو هلق بيفكروا عمنحكي هيك متكبرين عالقضاة الجدد او عالمحامين الجدد إي سيدي اللي بدوا يفكر هيك يفكر شو كل واحد بدنا نشرحلوا لحالوا ؟ !
ودمـــــــــــــــــــــــــــــــتم .

[المحامي صالح مطعم]

فهنا من الذي يماطل بالدعوى المحامي الخصم أم القاضي وعلى من تكون المسؤولية بالمماطلة أستاذ سامر

[المحامي سامر غسان عباس]

أن[align=justify]ا من شأني طرح الموضوع واترك لكم الاستنتاج , شكرا أستاذ صالح [/align]