بدي صير استاذ

[الأستاذ الخطيب]

تحية الحق والعروبة
تحية من محامي على ابواب الاستذة
ذهب فرحا الى النقابة ليقدم أوراقه من أجل التقدم لفحص الاستذة
علما انو هذا المحامي المتمرن عايف حالو -ماديا- كونه انهى مدة التمرين حديثا
ولكنه استطاع ان يستدين رسم الاستذة والرسم السنوي لسنة الـ2011
وارجو التشديد على كلمة يستدين كون النقاية ما بتسمح لمتمرن ان ينتقل لجدول الاساتذة اذا ما برا ذمته عن السنة الحالية
المهم
ومنشان ما طول بالكلام
رح بشركم بالبشرى يلي بشرتني فيها الموظفة بالنقابة
قالتلي والله يا استاذ في مشكلة صغيرةبيجوز تواجهك اثناء تسيير الاوراق
قلتلها خير انشالله .... انشالله ما في مشاكل....
قالتلي والله ارتفع الرسم السنوي بس 7000 ليرة سورية ولا تنسى 2000 ليرة طوابع اسعاف ولا تنسى 400 ليرة على كل طلب من طلبات تثبيت الممارسة
صفنت قريب الخمس دقايق
وأخذت أوراقي وخرجت من النقابة فرحا
وطول الطريق كنت أفكر من مين بدي استدين 10000ليرة سورية منشان صير محامي استاذ
انا ما عم اشحد مصاري من حدا
ولا بدي حدا يقولي ولا يهمك ما في مشكلة
لأنو بصراحة في مشكلة كبيرة
هي انو أخر هم النقابة هي المحامي المتمرن كوني صرت ضليع بمشاكلهم
وما بعرف شي عن مشاكل المحامين الاساتذة لأنو لا أزال متمرن
الله أعلم
ودمتم

[المحامية نادية جبر]

كتر الله خيرك رفعت معنويات المحامين المتمرنين

[المحامي محمد عصام زغلول]

اقتباس: المشاركة الأصلية كتبت بواسطة الأستاذ الخطيب     ولا بدي حدا يقولي ولا يهمك ما في مشكلة ودمتم

ولا يهمك ما في مشكلة

ودمتم

[حمود القادري]

تشابهت أحوالنا ....كما تشابهت همومنا ..وكثرت الواجبات وتضاءلت الحقوق ....
وهذا الحال يذكرني بقول أحدهم :
ألقاه في اليم مكتوفاً وأقول إياك إياك أن تبتل بالماء
................

[عدنان الصلاوي]

تحياتي لك استاذ
ولكن كأنني أرى أن هناك فوارق بين الرسوم فيما بين فروع النقابة في المحافظات

[الأستاذ الخطيب]

والله يا استاذ عدنان وحسب ما شرحتلي الموظفة انو القرار جديد
يعني تقريبا من اسبوعين او ثلاثة مو اكتر
منشان هيك بدنا نعذبك
اذا فيك تسأل بالنقابة عندكم اذا الرسم زاد أو لا
وتخبرنا

[عدنان الصلاوي]

تحياتي أستاذ عبادة :
لدى سؤالي في فرع النقابة بحماه اجابوني بأن الرسوم على حالها لم تتغير
(رسم الاستذة 6250 ل س )
أتمنى لك التوفيق
وكلي أمل بك بشق طريق لك ولو في ظروف قاسية

[سامر تركاوي]

الرسوم واحدة في كافة المحافظات