السؤال:
ليش ما بتسافر انت وعائلتك برا البلد ؟؟؟؟؟
الجواب من مسرحية كاسك يا وطن للفنان دريد لحام
والمعروف ان المسرحية من ابداع الكاتب محمد الماغوط؟؟؟؟
اتركوني هيك لحالي سنسل الامور بفكري شوي
واللهِ ما بدها تسنسل مسنسلة خلقة الامور كلها
في حدا بدو يضيقلي خلقي و يكرهني عيشتي لارحل عن وطني
ما بعرف منو هادا الحدا من برا من جوا واللهِ ما بعرف
بس مين من كان يكون هادا الحدا انا ما بقدر ارحل عن ها الوطن انا بدوخ بالطيارة يا اخي
ثم لنفرض إني انا بعدت عن الوطن ورحلت عنو لبعيد
بس مشكلتي انو الوطن ما بيبعد عني بضل عايش فيي من جوا وين بدي اهرب منو.. وين؟
لذلك بدي ضل عايش فيه غصب عن اللي بدو و عن اللي ما بدو
طالما عم اقدر احكي اللي بدي ياه، ما رح ايأس وبدي ضل اصرخ للغلط غلط بعينك
وبدي اعمل ثورة بالبطحة واشرب كاسك يا وطني على رواق
بدي اشرب كاس عزك
ولسا بدي اكتب اسم بلادي عالشمس اللي ما بتغيب
لا مالي ولا ولادي على حبك مافي حبيب