منتدى محامي سوريا

منتدى محامي سوريا (http://www.damascusbar.org/AlMuntada/index.php)
-   مشاهدات ويوميات محامي (http://www.damascusbar.org/AlMuntada/forumdisplay.php?f=74)
-   -   شرطي على باب ديوان النسخ في القصر العدلي .......ممنوع الدخول (http://www.damascusbar.org/AlMuntada/showthread.php?t=16844)

المحامي أحمد سالم نابلسي 07-03-2011 05:56 PM

شرطي على باب ديوان النسخ في القصر العدلي .......ممنوع الدخول
 
شرطي على باب ديوان النسخ في القصر العدلي .......ممنوع الدخول

ولكن هناك طريقة اخرى ان ينادي هذا الشرطي على الناسخة وتطلب منها نسخ القرار وتنتظر لليوم الثاني ثم تبحث عن الآذن من اجل ان يقوم بتسليمه لديوان المحكمة
الحل بسيط .......ان يلزم السيد الوزير السادة القضاة بطباعة قرارتهم على كمبيوتر خاص بهم ........بهذه الطريقة نمنع التزوير ...والاخطاء ويمكن للسادة القضاة ممارسه هواية النسخ واللصق كون معظم القرارت المتعلقة بذات الموضوغ تتشابه قي مضمونها ولا يوجد فيها اي ابتكار ونتخلص نحن ولو من جزء بسيط من الروتين اليومي الذي نعاني منه

المحامي أحمد العسة 07-03-2011 09:08 PM

رد: شرطي على باب ديوان النسخ في القصر العدلي .......ممنوع الدخول
 
اقتباس:

يلزم السيد الوزير السادة القضاة بطباعة قرارتهم على كمبيوتر خاص بهم
[/SIZE][/QUOTE]لا أرجوك أستاذ أحمد نحنا بدون نسخ مو خالصين بكرة بيروح شي سنتين ليطلع القرار

مازن ابراهيم 07-03-2011 09:29 PM

رد: شرطي على باب ديوان النسخ في القصر العدلي .......ممنوع الدخول
 
اقتباس:

ولكن هناك طريقة اخرى ان ينادي هذا الشرطي على الناسخة وتطلب منها نسخ القرار وتنتظر لليوم الثاني ثم تبحث عن الآذن من اجل ان يقوم بتسليمه لديوان المحكمة
هذا كلام قديم لقدج تم تطوير الامر وتحديثه من خلال قيام هذا الشرطي برنة على موبايل الناسخة لتحضر فورا وبسرعة البرق لعلمها ان /100/ليرة بانتظارها خارج غرفة النسخ لتنطلق بكل طاقتها لانهاء القرار خلال /10/دقائق (وطبعا هذا هو الرقم القياسي المسجل بكتاب جنيس للارقام القياسية السورية في نسخ القرارات) .
ليتم بعدها وبسرية تامة تسليم القرار لصاحبه واستلام (المعلوم) وهو 100 ليرة سورية غير معلمة حتى لا يتم كشفها من قبل المخبر الجنائي ويكون هذا المبلغ من فئة العشرات لسهولة التصرف به ,ولتضليل ال FBI .
ومن ثم يقوم المحامي بدفع ما تيسر له لهذا الشرطي الهمام...........الذي يقوم بواجبه على أكمل وجه.


أما اقتراحي لحل المشكلة :
لماذا لا يتم الغاء هذا الديوان ..وتسليم صورة عن القرار لاطراف الدعوى ليقوم بنسخه على حسابه .وبهذه الحالة تكون تكلفة النسخ أقل بكثير مما يدفع حاليا.

ياسمين الشام 07-03-2011 09:46 PM

رد: شرطي على باب ديوان النسخ في القصر العدلي .......ممنوع الدخول
 
اقتباس:

المشاركة الأصلية كتبت بواسطة المحامي مازن ابراهيم (المشاركة 61952)

أما اقتراحي لحل المشكلة :
لماذا لا يتم الغاء هذا الديوان ..وتسليم صورة عن القرار لاطراف الدعوى ليقوم بنسخه على حسابه .وبهذه الحالة تكون تكلفة النسخ أقل بكثير مما يدفع حاليا.

يمكن هذا الحل ايضا لح يعمل مشاكل لانه وقتها لح ينسخ كل طرف القرار على كيفه
يمكن السر وراء وضع الشرطي هو الحالات المتكررة من وجود تزوير بقرارات وخاصة القرارات الجزائية ....فحاولوا يلاقوا حل ...
بس الاكيد انه من لايوجد في نفسه واعظ فلم ولن تنفعه المواعظ....
مو اذا حطوا شرطي اذا حطوا لكل موظف شرطي
اليس كذلك

:confused:

مازن ابراهيم 07-03-2011 09:55 PM

رد: شرطي على باب ديوان النسخ في القصر العدلي .......ممنوع الدخول
 
اقتباس:

يمكن هذا الحل ايضا لح يعمل مشاكل لانه وقتها لح ينسخ كل طرف القرار على كيفه
لا اعتقد ذلك باعتبار ان المنفذ في الديوان يقوم بمطابقة القرار الاصلي مع المنسوخ ويصحح أي خطأ
اقتباس:

يمكن السر وراء وضع الشرطي هو الحالات المتكررة من وجود تزوير بقرارات وخاصة القرارات الجزائية ....فحاولوا يلاقوا حل ...
لم اسمع سابقا بتزوير قرارات لدى ديوان النسخ ...خاصة ان الشرطي لا يطلع على القرارات بعد نسخها.

الفكرة فقط لمنع المحامين من مراجعة الديوان ...والحل بالاسراع بالنسخ وهذا لن يتحقق .
واقتراحي بجعل المحامي يقوم بنسخ القرار عن طريق المكاتب الخاصة بذلك أمر موجود في أكثر من محكمة في ريف دمشق.

المحامي سعد حسين 07-03-2011 10:00 PM

رد: شرطي على باب ديوان النسخ في القصر العدلي .......ممنوع الدخول
 
كل الشكر للاساتذة : في الزمان قال تشرتشل عندمااوضحوا له عن ان البلاد قد تفشى فيها الفساد فقال : ما وضع القضاء فقالوا بخير فرد عليهما اذاَ البلاد بخير ........؟
فهمك كفاية مع المحبة

ياسمين الشام 07-03-2011 10:05 PM

رد: شرطي على باب ديوان النسخ في القصر العدلي .......ممنوع الدخول
 
تحياتي اخي مازن
المعلوات يلي عندي انه حطوا الشرطي لمنع التواصل بين السادة المحامين مع الناسخات
والسبب اكتشاف بعض الحالات من تزوير القرارات والمعلومة يلي عندي بتقول انه تم تبديل الفقرة الحكمية بالكامل مدة حبس ونوع الجرم وتم الاكتشاف ذلك مباشرة من قبل الخصم المدعي الشخصي .فتم معالجة الموضوع بحزم
والله اعلم

مازن ابراهيم 07-03-2011 10:11 PM

رد: شرطي على باب ديوان النسخ في القصر العدلي .......ممنوع الدخول
 
اقتباس:

التواصل بين السادة المحامين مع الناسخات
تقصدي بالمحامين الذكور والاناث طبعا

ياسمين الشام 07-03-2011 10:20 PM

رد: شرطي على باب ديوان النسخ في القصر العدلي .......ممنوع الدخول
 
سلامي
اكيد استاذ مازن المحاميات مشمولون بلفظي السادة المحامين(ذكور واناث)
بس مايزعلوا هلئء جماعة الاتحاد النسائي

ميس الريم 07-03-2011 10:33 PM

رد: شرطي على باب ديوان النسخ في القصر العدلي .......ممنوع الدخول
 
طبعا نحنا جماعة الاتحاد النسائي رح نزعل فنحن المحاميات لا نتلاعبن بالقرارات والاحكام فقلبنا كبير ولا نحتمل اي عمل مخالف للقانون على الاقل بمناسبة يوم المرأة بكرى

ياسمين الشام 07-03-2011 10:50 PM

رد: شرطي على باب ديوان النسخ في القصر العدلي .......ممنوع الدخول
 
تسلملي عينك استاذتي ميس
كان قصدي من الناحية اللغوية فقط...
تقبلي حبي

المحامية بتول الريس 07-03-2011 11:36 PM

رد: شرطي على باب ديوان النسخ في القصر العدلي .......ممنوع الدخول
 
القصة يااساتذة ياكرام أنو الشرطي واقف عالباب لعدة أسباب :
1- مشان المحامي ما يدخل على الغرفة ويزعج السندريلا يلي جوا " أكيد عرفوها"
2- مشان المحامي يرتعب ويخاف و يعرف وين داخل .
3- مشان يحرس الناسخات يلي جوا على اعتبار انو كلهن ليدي وما في محرم .
4- مشان ومشان ومشان بسسسسسسسسسس أكيد مومشان القرارات لانو هاد آخر همهن !!!!!!!

فادي كحيل 11-03-2011 01:11 PM

رد: شرطي على باب ديوان النسخ في القصر العدلي .......ممنوع الدخول
 
صحي ما وجعتكن ايدكن انتو وعم تكتبو هالحكي يا الله
طيب مينو هادا الشرطي ليوقف عباب ديوان النسخ
شو دراستو
شرطي يمنع محامين جوا القصر العدلي
انا وعم اكتب هلق رح اكسر الكيبورد من قهري
معقول شرطي ولك شرطي هادا شرطي
ميييييييييييييييييييييييييييييين هالشرطي قدامنا نحنا المحامين
آخ بس من هالنقابة آخ
بتخلي شرطي يقلنا وين رايحين ووين
جوا القصر العدلي
يا حرام
يلا خلونا نروح نبيع عالبسطة كتب القانون اللي درسناها أشرفلنا من هالحكي
المحامي عملو يراجع كل القصر العدلي بكل الدواوين اللي فيه
والله يطلعولنا بشرطي يقلنا لا
التزوير لما بيصير يحققوا فيه ويمسحوا الأرض باللي زور
أما يحطو شرطي ما رح يمنعو التزوير والتزوير بيصير عالهاتف وبالإيميل وبشو ما بدكن
قال شرطي قال
بكرة كل شرطي بيعمل ألف واسطة ليصير هو عالباب منشان يعمر بيتو ويجيب سيارة أجرة يشغلها
لا حول ولا قوة إلا بالله

المحامي سعد حسين 11-03-2011 01:35 PM

رد: شرطي على باب ديوان النسخ في القصر العدلي .......ممنوع الدخول
 
عزيزي استاذ فادي : اذا ضل الوضع هيك تأكد رح نبيع عل البسطة مع المحبة

بشرى معقالي 20-05-2011 10:54 PM

بضل القصر العدلي رغم كل مصايبو اهون من محكمة النبك - عنا بديوان الصلح المدني ممنوع المحامي يقرب عادفتر الجلسات او الفصل او غيرو اذا الكاتبي مو موجودي وغالبا بتكون مو موجودي لانها عند القاضي عمتكتب -بجي المحامي ليفتح الدفتر بتكون موظفة الديوان نطت وقالتلو شو بدك يااستاذ -فلاني-يعني اسم الموظفي موصيتا ماحدا يقرب عالدفاتر بغيابا !!! شو رأيكن

المحامي علي عبد الرحيم 21-05-2011 01:47 PM

رد: شرطي على باب ديوان النسخ في القصر العدلي .......ممنوع الدخول
 
اقتباس:

المشاركة الأصلية كتبت بواسطة المحامي فادي كحيل (المشاركة 62662)
صحي ما وجعتكن ايدكن انتو وعم تكتبو هالحكي يا الله

اقتباس:

المشاركة الأصلية كتبت بواسطة المحامي فادي كحيل (المشاركة 62662)
طيب مينو هادا الشرطي ليوقف عباب ديوان النسخ
شو دراستو
شرطي يمنع محامين جوا القصر العدلي
انا وعم اكتب هلق رح اكسر الكيبورد من قهري
معقول شرطي ولك شرطي هادا شرطي
ميييييييييييييييييييييييييييييين هالشرطي قدامنا نحنا المحامين
آخ بس من هالنقابة آخ
بتخلي شرطي يقلنا وين رايحين ووين
جوا القصر العدلي
يا حرام
يلا خلونا نروح نبيع عالبسطة كتب القانون اللي درسناها أشرفلنا من هالحكي
المحامي عملو يراجع كل القصر العدلي بكل الدواوين اللي فيه
والله يطلعولنا بشرطي يقلنا لا
التزوير لما بيصير يحققوا فيه ويمسحوا الأرض باللي زور
أما يحطو شرطي ما رح يمنعو التزوير والتزوير بيصير عالهاتف وبالإيميل وبشو ما بدكن
قال شرطي قال
بكرة كل شرطي بيعمل ألف واسطة ليصير هو عالباب منشان يعمر بيتو ويجيب سيارة أجرة يشغلها
لا حول ولا قوة إلا بالله


فعلا استاذ فادي هزلت(و شر البلية ما يضحك), شرطي؟؟؟؟؟!!!!!!
شي بجنن!

المحامية أميمة ادريس 21-05-2011 08:15 PM

رد: شرطي على باب ديوان النسخ في القصر العدلي .......ممنوع الدخول
 
السلطة التنفيذية وعبر البوليس التابع لها ارتات وضع شرطي على النسخ مشان ما تطلع بوش هيك بتشارك الناسخة الشرطي والمحامي يبدفع لاثنين ودائرة الدفع تتسع يعني السلطة التنفيذية ابت الا تشارك بالنسخ كمان لهيك وضع الشرطي وطبعا بدو يكون مدعوم لانو الشرطة حتتخاطف المنصب المرموق لمعرفتهم بان المحامون دفيعى درجة اولى والشاطر بصير شرطي على باب الناسخ يمكن بكرة يحطوا شرطي على باب القاعة وعلى الالة وعلى الدخان وعلى وعلى منظر رائع بل اكثر من رائع الشرطة لها الوجود الاول والاكثر في قصر العدل وسر الوجود منع المحامي من النفس فينقلب السحر على الساحر ويحول الشرطي لضارب تعظيم سلام للمحامي الدفيع وبقول عنه بيك وبالنهاية المواطن بيدفع للشرطي والمحامي والناسخة والقاضي والموظف يعني الموطن يشكل المدخول الاعظم للدولة وبالاخير بقولوا انو المواطن حالو ا تعبان وفقير
ابدا المواطن وجيبت المواطن الله يديمها وتدفع
ادفع بالتي هي احسن عرفتوا شو سر الشرطي اتساع دائرة الرشوة والفساد كنا بالناسخة صرنا بالناسخة والشرطي

أحمد الزرابيلي 22-05-2011 01:59 AM

رد: شرطي على باب ديوان النسخ في القصر العدلي .......ممنوع الدخول
 
يا أساتذه طولوا بالكن

شرطي

نعم شرطي بدن يحطوا

و الله اذا حطولكن نانسي عجرم ما بيخلصوا

فلقد اكتشفت الوزارة السابقة منذ سنة ، عدم ارتياح المحامين لعملية المحاسبة التي تجريها رئيسة مكتب النسخ مع الناسخات حول اكرامية كل قرار يدفعها المحامين

حيث كانت تأخذ مائة و خمسين لها و تعطي خمسين للناسخة ، و الآذن حسابوا لحال من أجل ايصال القرار الى مهده

فارتأوا تعيين شرطي لسهولة الحساب و اقتسام المبلغ مناصفة مع الناسخة

زملائي

موضوع الشرطي مضى عليه سنة حتى الآن فهل مازال لديكم الأمل بالمطالبة بالتحسين

و اذا لم تصدقوا هذا هو الدليل

http://www.damascusbar.org/AlMuntada...ead.php?t=9705


لذلك يا سادتي يا كرام سيرة و انفتحت

تعالوا نستذكر خيرات نقابتنا علينا

هل استطعنا ازاحة شرطي من مكتب النسخ

هل استطعنا فتح باب خاص لدخول المحامين الى القصر العدلي

اذا لم نستطع تخصيص ( w c ) للمحامين في القصر العدلي

فهل ستطالبون بوقف اعتقال المحامين .............

عاشق الحرية 22-05-2011 03:12 PM

رد: شرطي على باب ديوان النسخ في القصر العدلي .......ممنوع الدخول
 
مساء الخير الاساتذة الكرام الحل موجود وبسيط وهو الخصخصة ولا سيما ديوان النسخ وديوان المحضرين والله ارخص واريح ويدخل مردود لخزانة الدولة .

المحامي مصطفى قرا 25-06-2011 03:05 PM

رد: شرطي على باب ديوان النسخ في القصر العدلي .......ممنوع الدخول
 
يا اساتذة يا زملاء يعني معقول جزيرة النساء اقصد ديوان النسخ يبقى بلا حراسة ومعقول هالانسة الي في الداخل تبقى بلا حراسة ومرافقة وبضي كارد يحرس طلتها البهية وكله كوم والموظف المسؤول عن تسليم القرارات كوم لان الرسم الي بدك تعطيه اياه له من القدسية والحصانة ما يفوق رسوم الدولة المفروضة ومنذ سنتين اعطيته خمس وعشرين ليرة فرمقني بنظرة باردة سوداوية وكانه اصيب بنوبة عصبية وقال لي اعطيها لابنك استاذ على الرغم من وجود عدد من الاساتذة يتهيئون لاعطائه اكرامية توصيل قراراتهم الى نفس الديوان وشعرت من نظرته اني عامل عملة كبيرة بحقه ولكن على الفور اخذتها وقلت له وانت قلتها بعطيها لابني رغم اني لست متزوج الى الان وتحاشيت من وقتها التعامل معه واقتصر التنسيق على الناسخة التي تقوم بدورها بارسال القرار بعد دفع رسم الناسخة والله يكون بعون المحامي

المحامي نادر الحاج تمر 25-06-2011 04:14 PM

رد: شرطي على باب ديوان النسخ في القصر العدلي .......ممنوع الدخول
 
السلام عليكم
أود أن أشير إلى مكتب النسخ في عدلية الحسكة...
فتصورا إذا كان لديكم شرطي على الباب فهو أمر غير مألوف... أما لو تزوروا مكتب النسخ في الحسكة فتجدوا كلهم فتيات ونساء لهن أزواج موظفين يعني محسوبيات على الآخر...
والمشكلة تكمن في تقديم الطلب للاستحصال على قرار من مكتب النسخ وهذا الأمر جيد ولو كان مكلف إذا كان يسير على كل المحامين، إلا أنه تجد صاحبة الجلالة (مديرة المكتب أو رئيسته ) تقول لك قدم طلب استاذ أو هات مية ليرة
لكنك تتفاجأ عندما تدفع المعلوم وتخسر تجد أن القرار كله أخطاء أملائية وقد تكون في كثير من الأحيان جوهربة وقد لا ينبه إليها المراجع فينفذ القرار وعند التنفيذ ينصدم بوجود خطأ ..؟؟؟
لذلك نقترح على السيد وزير العدل الجديد الأٍستاذ تيسير قلا عواد (بدون المرور على محامينا العام الذي لا بد من تغييره فورا هو وقاضي التحقيق بالحسكة كونهما وجهان لعملة واحدة) ونقترح على الوزير أن يعين من طلاب المعاهد أو الطالبات لهذه المهمة
فهل من مجيب؟؟

نمر خطاب 26-06-2011 12:09 AM

رد: شرطي على باب ديوان النسخ في القصر العدلي .......ممنوع الدخول
 
هذا بعد ما سمعت عن محكمة النبك والحسكة يمكن نحنا طلعنا بألف خير والله المعين

المحامي جمال السميحان 26-06-2011 02:38 PM

رد: شرطي على باب ديوان النسخ في القصر العدلي .......ممنوع الدخول
 
ماتشوف خيري الا تجرب غيري
كل واحد يدير بالو على لغاليغو

المحامي محمد فوزي 30-06-2011 11:29 PM

رد: شرطي على باب ديوان النسخ في القصر العدلي .......ممنوع الدخول
 
انا سمعت انه تم تعيين بعض الناسخات من ذوات الحسن
والجمال فكان لابد من وجود بادي كارد على باب النسخ
لحماية هذا الجمال ؟؟؟ من طيلسة البعض؟؟؟؟؟



الساعة الآن 07:14 PM.

Powered by vBulletin Version 3.8.11
Copyright ©2000 - 2025, Jelsoft Enterprises Ltd
Translation by Nahel
يسمح بالاقتباس مع ذكر المصدر>>>جميع المواضيع والردود والتعليقات تعبر عن رأي كاتيبها ولا تعبر بالضرورة عن رأي إدارة المنتدى أو الموقع