الحظ والمنطق

[اليمامة]

كان شخصين ماشين بالسيارة

واحد أسمه منطق والثاني أسمه حظ

بنص الطريق إنقطعوا من البنزين بنص الصحرا

حاولوا يكملوا طريقهم مشي قبل مايجي الليل يمكن يلقوا مأوى

لكن دون جدوى .

فقال المنطق لـ الحظ بنام ليطلع الصبح وبنكمل الطريق

فقرر المنطق ينام جنب شجرة

أما الحظ فقرر ينام بنص الشارع

قال له المنطق مجنون أنت راح تعرض نفسك للموت

يمكن تيجي سيارة وتدهسك

قاله الحظ ما راح أنام الإ بنص الشارع

ويمكن تيجي سيارة تشوفنا وبعدين إلي بده يصير يصير

فعلاً نام المنطق تحت الشجرة والحظ بنص الشارع

بعد ساعة وصلت سيارة مسرعه

ولما شافت جثة بنص الشارع حاولت التوقف ولكن ما قدرت

فأنحرفت بإتجاه الشجرة

ودهست المنطق وعاش الحظ

,,,,,,,,,,

اللي ماله حظ لايتعب ولايشقى

[عاش بعث العرب]

أنا من اليوم ورايح رح صير نام بنص الشارع
ولو عندي القدرة أكتر من هيك ، كنت مو بس من اليوم ورايح كمان كنت من اليوم وراجع نمت بنص الشارع
مو لأني بدي قلد الحظ ، معاذ الله ، ما بسترجي
بس لأنوا على هالحال شكلوا مارح يضل حدن إلا وينام بنص الشارع
ويا خوفي ما عاد يضل شارع بالأساس
سمعت رح ينقلوا الشارع .... للشارع التاني

أما شيت إنوا المالوا حظ لا يتعب ولا يشقى
فأنا أعترض

لأني ليكني حول الله حولي وحوليي
ما إلي حظ منوب ورغم هالشي عم أتعب وأشقى ويلتعن نفسي
الشغله بدها مبادرة يا أختي

وين راح الشارع
أه
ليكوا

ونحن ما زلنا سائرون على الشارع

يا كبير ، رحمتك

[أحمد الزرابيلي]

هون المصيبة

أنو يجيك واحد بالأصل بدو يدعس الشجرة

و يشوف المنطق مدري الحظ مدري الأستاذ ثائرنايم تحتها

و بقدرة قادر تنحرف سيارتو لنص الشارع

فيكون الحظ مدري المنطق مدري الأستاذ ثائر بنص الشارع

فيوقع بالنهر يلي كان الحظ مدري المنطق مدري الأستاذ ثائر عم يغسل وجهو فيه

شوف الحظ