[المحامية أميمة ادريس]

بالفعل من زار محكمة البداية العمالية يشعر بالحزن والاسى والكابة
منذ دخولي المبنى ذات الرائحة العفنة الى ان وصلت لديوان المحكمة
دار الجدال الاتي
( الغرفة صغيرة مكتظة امام الكاتب بالمحامون العابسون والمنزعجون )
انا : سجل الدعوى اذا سمحت
الكاتب : عفوا استاذة القاضي مو هون رجعي بعد شوي
محامي اخر كم مرة هالدعوى تنسيب ايه وبعدين حرام والله هالقصة طولت
الكاتب يا استاذ انا جديد هون ما صرلي كم يوم ماني فهمان شي
انا دخلك ليش الدعاوى تنسيب حالات التنسيب حصرية
الكاتب عضو بتشكيل المحكمة لايريد الحضور
انا ايه وبناقص شو ما في غيروا
المحامي والله لازم نلاقي حل مو معقول ابدا هذا الشي
بقي المدربة مدة يومين رايحة جاية والقاضي هلق كان هون وطلع هلق مو جايه هلق جاية تعي ثاني يوم خلص الدوام لحد ما هالكاتب شفق على المدربة وقالها خلي الاضبارة عندي بس يجي القاضي بستغل الوقت وبوقعها
القاضي لا يلتزم بالدوام 100% بسبب تعذر تشكيل المحكمة لان السادة الاعضاء المنتدب من غرفة التجارة ما عميشرف
والله لا اقول ذهلت لاننا بالقصر العدلي ذهلنا منذ زمن ولكن هالعامل المسكين يلي عايش على راتبوا وبس وخاصة بهذا الزمن الاخضر شو بدنا نقلوا وشو بدوا يفهم
نداء عاجل الى المعنين بالامر بمتابعة هذا الموضوع المتعلق بالعمال واسرهم يا عالم المدارس والجامعات والاكل والشرب واجرة البيت والفواتير ما بترحم الرحمة بهولاء المستضفين يا سمعين الصوت
يا سيادة الوزير اما من حل لهذا الموضوع